謝金燕掀裙露底－彤彤的部落格

謝金燕掀裙露底

39歲「電音女神」謝金燕噚晚喺「臺北最HIGH新年城跨年晚會」做表演嘉賓，一個接近30分鐘嘅表演前後換咗好多套衫，真係明益觀眾。謝金燕一嚟到嘅時候，著得非常密實，佢一身魔術師嘅造型出現，除咗個樣同一對手係冇嘢遮住之外，其他地方包到實一實，可以同性感扯唔上關係，相信喺嗰陣，好多觀眾都好失望，但唔係失望好耐，因為謝金燕入咗一入去背景後面3秒，一出嚟就變咗一身紅色短裙，真係一個好好嘅開場。

除咗一身紅色短裙，謝金燕仲加多一個大頭盔，戴住咁大個頭盔，仲可以勁歌熱舞，真係幾威喎，不過都有失手嘅時候，個大頭盔因為太巨型，所以謝金燕畀舞台支架卡住，引到嘅觀眾喺台下大笑。之後仲有換到一身美式足球嘅盔甲，粗豪得嚟又不失性感。唱完謝金燕神曲《姐姐》嘅時候，佢突然轉身，掀起條裙，露出咗條打底褲，上面仲寫「姐姐」兩個字，掀起咗全晚嘅高潮。

之後喺台北完咗表演，佢就坐高鐵趕往去到高雄做倒數，5個鐘之內就搵咗600萬——新台幣。